రూ.8.63 లక్షలకు 2027 కవాసకి వెర్సిస్‌ 650

కవాసకి ఇండియా 2027 వెర్సిస్‌ 650ను రూ.8.63 లక్షల ఎక్స్‌-షోరూమ్‌ ధరకు విడుదల చేసింది. కొత్త మోడల్‌లో ప్రధానంగా క్యాండీ లైమ్‌ గ్రీన్‌ రంగును అందించారు. ధరలో ఎలాంటి మార్పు లేదు. 649 సీసీ లిక్విడ్‌ కూల్డ్‌ ప్యారలల్‌ ట్విన్‌ ఇంజిన్‌ 67 హెచ్‌పీ పవర్‌, 61 ఎన్ఎం టార్క్‌ను ఉత్పత్తి చేస్తుంది. దీనికి 6-స్పీడ్‌ గేర్‌బాక్స్‌, అసిస్ట్‌-స్లిప్పర్‌ క్లచ్‌ ఉన్నాయి. బైక్‌లో 4.3 అంగుళాల టీ ఎఫ్ టీ డిస్‌ప్లే, స్మార్ట్‌ఫోన్‌ కనెక్టివిటీ, ట్రాక్షన్‌ కంట్రోల్‌, డ్యూయల్‌ ఛానల్‌ ఏ బీ ఎస్, ఫుల్‌ ఎల్ ఈ డీ లైటింగ్‌ వంటి ఫీచర్లు ఉన్నాయి. 21 లీటర్ల ఫ్యూయల్‌ ట్యాంక్‌తో దీర్ఘదూర ప్రయాణాలకు అనుకూలంగా ఉంటుంది.