శాంసంగ్ నుంచి కొత్త గెలాక్సీ ఫోన్

ప్రముఖ ఎలక్ట్రానిక్స్ సంస్థ శాంసంగ్ భారత మార్కెట్లో కొత్త 5జీ స్మార్ట్‌ఫోన్‌ గెలాక్సీ ఎఫ్70 5జీని విడుదల చేసింది. దీని ప్రారంభ ధరను రూ.19,999గా నిర్ణయించింది. 50 మెగాపిక్సెల్‌ ప్రధాన కెమెరా, సూపర్ అమోలెడ్ డిస్‌ప్లే, 5,000 ఎంఏహెచ్ బ్యాటరీ వంటి ఫీచర్లను ఇందులో అందించింది. ఫోన్‌లో 6.7 అంగుళాల ఫుల్ హెచ్‌డీ ప్లస్ సూపర్ అమోలెడ్ డిస్‌ప్లే, 90 హెర్ట్జ్ రిఫ్రెష్ రేట్ ఉన్నాయి. కార్నింగ్ గొరిల్లా గ్లాస్ విక్టస్ రక్షణ కల్పించారు. ఎక్సినోస్ 1330 ప్రాసెసర్‌తో పనిచేసే ఈ ఫోన్ 4జీబీ, 6జీబీ ర్యామ్ వేరియంట్లలో లభిస్తుంది. రెండు వేరియంట్లలోనూ 128జీబీ స్టోరేజ్ ఉంది. మైక్రో ఎస్‌డీ కార్డు ద్వారా స్టోరేజ్‌ను 2టీబీ వరకు పెంచుకోవచ్చు.

వెనుకవైపు 50 ఎంపీ ప్రధాన కెమెరాతో పాటు 5 ఎంపీ అల్ట్రా వైడ్, 2 ఎంపీ మాక్రో కెమెరాలు ఉన్నాయి. ప్రధాన కెమెరాలో ఆప్టికల్ ఇమేజ్ స్టెబిలైజేషన్ సదుపాయం ఉండటంతో ఫొటోలు, వీడియోల్లో చేతి కదలికల ప్రభావాన్ని తగ్గించవచ్చు. సెల్ఫీలు, వీడియో కాల్స్ కోసం ముందు భాగంలో 13 ఎంపీ కెమెరా ఇచ్చారు. 5,000 ఎంఏహెచ్ బ్యాటరీకి 25 వాట్ల ఫాస్ట్ ఛార్జింగ్ సపోర్ట్ ఉంది. ఫోన్ ధర 4జీబీ ర్యామ్ వేరియంట్‌కు రూ.19,999 కాగా, 6జీబీ వేరియంట్ ధర రూ.22,999. ప్రారంభ ఆఫర్లతో ఎంపిక చేసిన బ్యాంకు కార్డులపై ప్రారంభ ధర రూ.17,999కు తగ్గనుంది. అక్టోబర్ 20 నుంచి ఫ్లిప్‌కార్ట్‌లో విక్రయాలు ప్రారంభం కానున్నాయి.