శ్రీలంక సిరీస్‌ తర్వాత అగార్కర్‌పై నిర్ణయం

టీమిండియా చీఫ్‌ సెలెక్టర్‌ అజిత్‌ అగార్కర్‌ భవితవ్యంపై బీసీసీఐ కీలక నిర్ణయం తీసుకోనుంది. శ్రీలంకతో టెస్టు సిరీస్‌ ముగిసిన తర్వాత ఆయన పదవీకాలాన్ని పొడిగించాలా? లేదా కొత్త చీఫ్‌ సెలెక్టర్‌ను నియమించాలా? అనే అంశంపై బీసీసీఐ చర్చించనున్నట్లు సమాచారం. 2023లో చీఫ్‌ సెలెక్టర్‌గా బాధ్యతలు చేపట్టిన అగార్కర్‌ నేతృత్వంలో జట్టు ఎంపికలో పలు కీలక నిర్ణయాలు తీసుకున్నారు. ముఖ్యంగా యువ ఆటగాళ్లకు అవకాశాలు కల్పించడం, భవిష్యత్‌ జట్టును సిద్ధం చేయడంపై సెలెక్షన్‌ కమిటీ దృష్టి సారించింది. రాబోయే కీలక టోర్నీల నేపథ్యంలో సెలెక్షన్‌ కమిటీ కొనసాగింపు అంశం ప్రాధాన్యం సంతరించుకుంది. శ్రీలంక సిరీస్‌ అనంతరం బీసీసీఐ నిర్ణయం వెలువడే అవకాశం ఉంది.