అసలు ఏ టైమ్లో రాఖీ కట్టాలి..?

సోదర సోదరీమణుల అనుబంధానికి ప్రతీకగా నిలిచే రక్షాబంధన్ పండుగ ఎప్పుడు అనే సందిగ్ధత పై పంచాంగకర్తలు, పండితులు స్పందించారు. ఈ ఏడాది ఆగస్టు 28, శుక్రవారం రోజున ఈ పండుగను జరుపుకోవాలని క్లారిటీ ఇచ్చారు. అంతే కాకుండా.. రాఖీ కట్టేందుకు ఉదయం వేళ అత్యంత శ్రేష్ఠమైన సమయమని పండితులు చెప్పారు. హిందూ పంచాగం ప్రకారం, శ్రావణ పౌర్ణమి తిథి ఆగస్టు 27, గురువారం ఉదయం 9:08 గంటలకు ప్రారంభమై, ఆగస్టు 28, శుక్రవారం ఉదయం 9:48 గంటలకు ముగుస్తుంది. శాస్త్రోకంగా సూర్యోదయం సమయంలో ఉన్న తిథిని ప్రామాణికంగా తీసుకుంటారు కాబట్టి, 28వ తేదీనే పౌర్ణమిగా పరిగణించాల్సి ఉంటుంది. ఆగస్టు 28, శుక్రవారం ఉదయం రాఖీ కట్టేందుకు అత్యంత శుభ ముహూర్తం ఉందని పండితులు తెలిపారు.